Në ditën e dytë të qëndrimit në Berlin, kryeministri Edi Rama ka marrë pjesë në Kongresin e social-demokratëve, ku është ndalur dhe njëherë tjetër te pandemia e Covid-19 dhe furnizimi me vaksina.
Në fjalën e tij, Rama kritikoi BE që nuk ndihmoi me vaksina vendin gjatë pandemisë, duke thënë se uron që mos të ndodhë e njëjta gjë me menaxhimin e krizës energjetike. Nga ana tjetër, nuk kurseu lavdet për presidentin Recep Tayyip Erdogan kur tha se po të mos kishte qene Turqia, qytetarët nuk do ishin vaksinuar.
“Vij nga një shtet që nuk është në BE. Në fazën e parë të dhënies së vaksinave ne u lamë mënjanë. Na u desh që të rrinim të shikonim. Na u desh të vraponim për të gjetur vaksinat. Kina Rusia Turqia, po të mos kishte qenë Turqia dhe Erdogan ne s’do kishim vaksinuar askënd për një farë kohë. Ky ishte një moment i vështire, unionin europian nuk ishte për ne. Tani jemi këtu me krizën energjetike, uroj mos të ndodhë e njëjta gjë. Mos të lihemi mënjanë, ne shqiptarët jemi njerëz besnikë. Ishim të fundit që tradhtuam sovjetikë, perandorinë osmane do të jemi të fundit që do të tradhtojmë BE-në nëse shkatërrohet. Por mos na merrni të mirëqenë. Kur shohim të rinjtë tanë të largoheni sepse nuk kemi aksesin në arsim të lartë njësoj si BE-ja. Nuk më duket e drejtë që të rinjtë të lihen jashtë sistemit të BE-së të arsimit dhe të largohen”, tha Rama.
Discussion about this post