Facebook ka njoftuar se emri i ri i kompanisë do të jetë Meta.
Ndryshimi nuk do të aplikohet në platformat individuale sikurse Facebook, Instagram dhe Whatsapp, por vetëm në kompaninë amë që i ka në pronësi.
Shefi i Facebook Mark Zuckerberg njoftoi emrin e ri ndërsa zbuloi planet për të ndërtuar një “metaverse” – një botë në internet ku njerëzit mund të luajnë, të punojnë dhe të komunikojnë në një mjedis virtual, shpesh duke përdorur kufje VR.
Ai tha se marka ekzistuese nuk mund “të përfaqësojë gjithçka që ne po bëjmë sot, e lëre më në të ardhmen“, çka solli edhe ndryshimin e vetë emrit.
“Meta” vjen nga fjala greke që do të thotë “përtej”.
Për një të huaj, një metaverse mund të duket si një version i realitetit virtual, por disa njerëz besojnë se mund të jetë e ardhmja e internetit.
Ndryshimi i emrit vjen pas një morie rrëfimesh negative për Facebook-un, të bazuara në dokumentet që janë publikuar nga një ish-punëtore.
Frances Haugen, e cila ka punuar më parë për kompaninë, e ka fajësuar atë se ka prioritet përfitimin përpara sigurisë.
/ O.B / Gijotina.com
