Kryeministri i vendit, Edi Rama, ka mbledhur prej orës 08:00 kryesinë e PS në selinë rozë. Sipas burimeve , në takim do të flitet për organizimin e partisë në baza, ndërsa sot rreth orës 12:00, Rama do të presë në Kryeministri kryebashkiakët, ku tema kryesore ku do të fokusohen do të jetë ujësjellës kanalizimet.
Gjithashtu, kryeministri u ka lënë afat 100 ditor sekretariateve. Pas 100 ditëve ai u ka kërkuar që të paraqesin një raport të plotë, për të parë se si ka vijuar puna, e po ashtu, Rama ka ngulmuar që të vijohet puna pa pushim me organizimet në terren, për t’u përgatitur për zgjedhjet lokale të 2022.
Kujtojmë se në mbledhjen e kaluar Rama ia preu gjithkujt rrugën drejt administratës publike përmes zyrave të partisë.
Ai ripërsëriti vijën e kuqe të vendosur nga Kongresi socialist që askush të mos punësohet më në institucionet shtetërore me ndërmjetësimin e zyrave të Partisë Socialiste. Ndërsa tashme temat që diskutohen janë propozimet e PD, që nuk dihet akoma si do të vendos mazhoranca për shqyrtimin apo ajo të tyre.
