Ish-kryetari i Bashkisë së Lezhës Fran Frrokaj, i cili ka marrë pjesë në mbledhjen e kolegjit të kryetarëve, është shprehur se koha tregoi se Berisha nuk kishte ikur kurrë, këtë e tregon edhe lista e deputetëve. Ai është shprehur se mediat janë ne sulm anti-Basha, anti-PD, anti-demokraci dhe për këtë i ka kërkuar Bashës që të mos jap dorëheqje.
“Koha tregoi se Berisha nuk kishte ikur kurrë, këtë e tregon edhe lista e deputetëve. Ai është non grata jo non-Basha. Të kam kërkuar që të mos e fusje në listë në 2017-ën, mirë bëre që nuk më dëgjove. Por plaku nuk është në gjak me ne, është më amerikan. Turpi i tij që flet me atë gjuhë. Jemi parti euroatlantike, nuk bëjmë dot pa SHBA. Mediat janë në sulm anti-Basha, anti-PD, anti-demokraci. Mos e mendo dorëheqjen. Është vendimi i fundit që duhet të mendosh. Harroje dorëheqjen, nuk është zgjidhje. Kapiteni ikën i fundit, jemi në një anije. Nga 6 zona 5 ishin të majta. S’ka çudi. Në zgjedhje të pjesshme fiton partia në pushtet. Por e drejtë ajo që tha Saraçi, nuk duhet të shkojnë atje me versaçe…” – është shprehur Fran Frrokaj.
Discussion about this post