Pas deklaratës së kryeministrit për rritjen e energjisë elektrike vërshojnë kritikat dhe akuzat nga opozita.
Deputeti demokrat Edi Paloka ka reaguar në një postim në rrjetet sociale dhe ka ironizuar teksa shkruan “Ta gëzojmë mandatin historik, fajin e ka Saliu”.
“Pas rritjes së çmimit të bukës e të ushqimeve, pas rritjes se çmimit te gazit dhe karburantëve, ja dhe sihariqi më i fundit, rritje “marramendëse” e çmimit të energjisë elektrike. Ta gëzojmë “mandatin historik” të Edvinit ! E se mos harroj: Fajin e ka Saliu”, shkruan Paloka.
Pak minuta më parë në një konferencë të jashtëzakonshme kryeministri Edi Rama deklaroi se një krizë energjitike sapo ka filluar. Rama tha se kjo fatkeqësi e re ka sjellë një rritje të jashtëzakonshme të çmimeve e jo vetëm të karburanteve, gazit, karbonit e naftës, por edhe mallrave të konsumit.
