Gjykata e Vlorës ka dhënë sot masën “arrest me burg” për 2 personat e përfshirë në ngjarjen e ndodhur në zyrat e Këshillit të Qarkut ku u grabitën dokumentet origjinale të një prone në Dhërmi, ndërsa detyrim paraqitje për personin e tretë. Tre punonjësit mes të cilëve edhe drejtori Bardhyl Gjika inskenuan grabitjen për të fshehur falsifikimin që iu kishin bërë dokumenteve.
Gjykata la në burg Bardhyl Gjikën, drejtor i AMTP pranë qarkut si dhe Spiro Dunin. Ndërsa për Kreshnik Minon, specialist pranë këtij institucioni u dha masa “detyrim paraqitje”.
Ndaj tyre rëndon akuza e “shpërdorimit të detyrës” dhe “falsifikim i dokumenteve zyrtare”. Trupa gjykuese, e përbërë nga gjyqtari Enkel Peza, ndërsa prokuror Alfredo Sali.
Pak ditë më parë, Zyra e Tokës ra pre e grabitësve, sipas deklaratës së bërë nga Bardhyl Gjika, por mesa duket nga hetimet e mëtejshme, ka rezultuar se kjo grabitje ishte inskenuar nga persona brenda institucionit.
