Ka rënë sot në prangat e policisë, inxhineri i Bashkisë së Himarës, Elton Marko, në kuadër të operacionit për kapjen e personave bashkëpunues që merreshin me falsifikimin e dokumenteve të tokave në Dhërmi.
Sipas burimeve, Prokuroria e Vlorës ka nxjerrë këtë urdhër ndalimi për Markon i cili është punonjës i Bashkisë Himarë dhe punon si inxhinier topograf pranë këtij institucioni, pasi dyshohet që është një nga personat i cili ka ndihmuar në falsifikimin e dokumeneteve për pronat në Dhërmi. Ai është marrë nën hetim për falsifikim dhe pastrim parash.
Kujtojmë se, rreth dy muaj më parë, në shtator të këtij viti, në zyrat e këshillit të qarkut në Vlorë u vodhën dy dosje për pronat në Dhërmi. Por rezultoi se e gjithë ngjarja ishte inskenuar nga Drejtori i administrimit e mbrojtjes së tokës, Bardhyl Gjika, specialisti i kësaj drejtorie, Kreshnik Mino dhe një 51-vjeçar i identifikuar si Spiro Duni. Bardhyl Gjika ish-shefi i zyrës që mbante dokumentat e pronësisë mbi tokën në këshillin e qarkut Vlorë, ka qenë ndër të parët që ka folur për të treguar skemën e vjedhjes së tokave. Bardhyl Gjika u arrestua sepse gjatë vitit 2020 dhe në vijim ka nxjerrë nga arkivat e kadastrës së këshillit të qarkut, dokumentat e marrjes së pronësisë, për të njohur të tij në fshatrat e Himarës dhe Dhërmiut.
Këto dokumenta më pas i kane falsifikuar dhe në arkivë kanë vendosur dokumentat e ndryshuara duke shtuar sipërfaqe fiktive toke. Më pas këto dokumenta nxireshin në mënyrë zyrtare për t’u paraqitur në hipotekë.
Në këtë mënyrë janë përfituar sipërfaqe të mëdha toke bujqësore dhe kullota në breg të detit. Zyrën ku falsifikoheshin dokumentat më parë e ka drejtuar vetë Klodian Troci për 5 muaj, dhe Bardhyl Gjika ishte në rolin e specialistit. Më pas Troci largohet prej andej duke i lënë vendin e drejtorit bashkëpunëtorit të tij.
Troci në nëntor të vitit 202o u emërua drejtor i kadastrës për të dhënë dorëheqjen më 24 shtator të 2021. Ndërsa kishte nisur hetimi, bashkëpunëtorët në krim tentuan të fshehin gjurmët duke sajuar një vjedhje të arkivës në zyrën ku punonte vete Bardhyl Gjika, por skema ishte shumë amatore dhe u zbulua shpejt. E.H/Gijotina.com/
Discussion about this post