Falsifikuan dokumente për pronat në Dhërmi, Prokuroria e Vlorës lëshon 10 urdhër arreste

Prokuroria e Vlorës ka lëshuar urdhër arreste për 10 persona, të cilët akuzohen për falsifikim të pronave në zonën bregdetare. Në njoftim thuhet se për 7 persona janë ekzekutuar urdhër arrestet.

Sipas njoftimit të Prokurorisë, të arrestuarit akuzohen për falsifikimit të dokumenteve e kryer në bashkëpunim dhe më shumë se njëherë, falsifikimin e vulave, stampave dhe formularëve, e kryer në bashkëpunim dhe më shumë se njëherë.

Te arrestuarit e operacionit “Himara” janë:

Vasillaq Strakosha 67 vjeç, banues në Vlorë.

Edmond Marko 51 vjeç, banues në Himarë.

Pandeli Prifti, 42 vjeç, banues në Himarë.

Zaho Bollano, 58 vjeç, banues në Himarë, punonjes i bashkisë Himarë.

Aleks Bifsha, 64 vjeç, banues në Vlorë.

Elton Marko, 41 vjeç, banues në Himarë.

Irakli Gjiçali, 68 vjeç, banues në Himarë.

Po kështu u bë shpallja në kërkim dhe punohet për kapjen e personave:

M. S., 68 vjeç, banues në Himarë;
A. K., 64 vjeç, banues në Himarë;
K. DH., 68 vjeç, banues në Himarë.

Ndërkohë Prokuroria e Rrethit Gjyqësor Vlorë, thotë se mbi bazën e kallëzimit penal ka regjistruar edhe procedimin penal.

“Në fazën e hetimit paraprak të këtij procedimi penal, ka rezultuar se prej shtetaseve në hetim janë falsifikuar A.M.T.P për qytetin e Himarës, fshatrat Dhërmi e Gjilekë, të cilat në zbatim të ligjit nr.9948, datë 7.7.2008. “Për shqyrtimin e vlefshmërisë ligjore të krijimit të titujve të pronësisë mbi tokën bujqësore” të ndryshuar, si dhe V.K.M.-së nr.338/2015. duhet të miratoheshin me vendim të Këshillit Bashkiak Himarë” – thuhet në njoftimin e Prokurorisë. 

Gjithashtu, po në funksion të këtij procedimi penal penal Gjykata e Rrethit Gjyqësor Vlorë, ka vendosur caktimin e masës së sigurimit pasuror të sekuestros për disa pasuri të tjera.

“Pasuria e regjistruar në nenin hipotekor nr.718, datë 07.08.2021 Z.K.1952 Himarë, sipërfaqe prej 800 m² regjistruar në emër të A.K. Pasuria e regjistruar në nene hipotekore nr.244, datë 07.04.2021 Z.K.1952, Himarë prej 1292 m² regjstruar në emër të A.K.” – thuhet në njoftimin e Prokurorisë së Vlorës.

Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.