Liverpool do të përballet me Aston Villan këtë të shtunë dhe këtë herë derbi mbetet në plan të dytë, pasi gjithë vëmendjen e ka marrë rikthimi i Steven Gerrard në Anfield.
Legjenda e “të kuqve” do të kthehet në shtëpi, këtë herë si trajner i Aston Villas dhe pritet që për të gjithë të jetë një ditë mjaft emocionuese, pavarësisht rezultatit të ndeshjes.
Duke qenë se Gerrard është një nga lojtarët më legjendar që ka luajtur ndonjëherë për anglezët, trajneri Jurgen Klopp e dinte se nuk mund të shkonte pa u përgatitur në konferencën e tij për shtyp të premten pasdite.
Ai i parapriu çdo “të papriture” nga gazetarët dhe deklaroi se nuk do t’i përgjigjej asnjë pyetjeje për Gerrard.
“Para se të fillojmë, dua të them vetëm se nuk do t’i përgjigjem asnjë pyetjeje për Steven Gerrard sot…”, tha Klopp dhe gjithë salla shpërtheu në të qeshura, përfshirë vetë gjermanin.
“Meqë ra fjala, dera është aty”, shtoi ai më tej.
— Liverpool FC (@LFC) December 10, 2021
Discussion about this post