6 persona janë arrestuar nga Polica e Tiranës mbrëmjen e kaluar për shkak se kanë tentuar të kalojnë kufirin në shkelje të ligjit. Mësohet se Policia e Tiranës ka kryer një operacion të gjerë ku ka bërë arrestimin e 6 personave për akuzën e falsifikimit të dokumenteve dhe dhënies ndihmë për kalim të paligjshëm të kufirit.
Njoftohet se arrestimi i tyre është bërë i mundur pasi, gjatë hetimeve të kryera është zbuluar se këta persona në raste të ndryshme dhe në bashkëpunim me njëri-tjetrin, kanë kryer falsifikimin e dokumenteve që lidhen me analizat mjekësore për virusin COVID-19.
Policia bënë me dije se janë shtuar kontrollet për të evidentuar dhe parandaluar të tilla raste, pasi në muajt e fundit raportohet një numë ri madhe personash që falsifikojnë dokumentin e tamponit ose certifikatën e vaksinimit, për të kaluar kufirin.
Discussion about this post