Familja e Silvio Berlusconit planifikon ta shesë Monzën, klubin e Serisë A në pronësi të ish-kryeministrit italian, i cili vdiq javën e kaluar në moshën 86-vjeçare.
Berlusconi kishte një pasion të madh për futbollin, pasi kishte blerë Milanin në 1986 dhe e shiti atë në 2017, pasi fitoi me kuqezinjtë Serinë A, Champions League dhe Kupën Ndërkontinentale.
Në vitin 2018 ai bleu Monzën, e cila atëherë ishte në Serinë C dhe arriti ta çojë klubin në Serinë A, ku ndodhet aktualisht. Por, sipas ‘Corriere della Sera’, familja dëshiron të largohet nga bota e futbollit dhe të nxjerrë në shitje Monzën.
Fillimisht u tha se klubi ishte vetëm në kërkim të investitorëve, por tashmë është e qartë se synimi i trashëgimtarëve të Berlusconit është ta hedhin në treg klubin lombard.
Discussion about this post