Pas deklaratave para Gjykatës së Fierit ku thanë se nuk do ta lënë me kaq këtë çështje, familjarët e të miturit që u vra dy ditë më parë nga komshiu i tij kanë zhvendosur protestën në qendër të qytetit. Gjatë marshimit ata iu bëjnë thirrje qytetarëve që të bashkohen dhe të firmosni peticionin dhe të rikthehet dënimi me vdekje. Teksa bërtasin në kor “Varje Varje”, familjarët e Mateos me në krye babin e tij kërkojnë dënimin maksimal në të kundërt ata do të marrin hak.
Ndërkohë, pak më parë gazetarët kanë kërkuar që të nënshkruajnë peticionin. Familjarët thonë se të gjithë duhet të bashkohen, pasi në të kundërt raste të tilla do të përsëriten. Babi dhe nëna e e fëmijës janë në gjendje shumë të rëndë, por shprehen se nuk do ndalen derisa të shohin Klodian Çalamanin të varet në mes të qytetit.
Discussion about this post