Këngëtari i njohur nga Kosova, Mozzik, është një ndër artistët më të suksesshëm në estradë dhe gjithashtu shumë i pëlqyer nga publiku.
Dhe këtë gjë mund ta vërtetojmë nga klipet që numërojnë me miliona klikime dhe koncertet e shumta nëpër botë. Së fundmi reperi ka performuar në një club të Gjermanisë dhe ka zbuluar se gjatë momentit ku ndodhej në skenë atij i kanë hedhur një palë reçipeta të zeza.
Mozzik duket se e priti me sportivitet këtë gjest nga ana e fanses dhe i mori duke i vendosur në qafë apo duke kërcyer me to në duar.
Kujtojmë se, ky lloj veprimi është ajo çka bëjnë fansat e këngëtarit Maluma në çdo koncert të tij. Kjo gjë ndodhi madje dhe në turin që artisti latin zhvilloi në Tiranë, ku një vajzë i hodhi një palë reçipeta ngjyrë rozë dhe ai i vendosi tek mbajtësja e mikrofonit gjatë performancës së tij.
Së fundmi, mesa duket ky gjest nga ana e vajzave po fillon të bëhet ‘trend’ dhe për artistët shqiptarë në koncertete tyre.
Discussion about this post