Teksa garda nuk ka lejuar të futen në ambientet e Kuvendit deputetët e opozitës, deputeti Dashnor Sula, ka tentuar që të kapërcejë rrethimin e gardës në mënyrë që të futet në kuvend.
Ai është hedhur mbi punonjësit i ndihmuar edhe nga kolegët, dhe ka tentuar të futet brenda. Dash Sula nuk është pjesë e deputetëve të përjashtuar.
Por ai nuk është lejuar të kalojë nga Garda, ndërsa në sfond janë dëgjuar thyerje xhamash pas shkelmimit të derës së Kuvendit nga deputetët e opozitës.
“Të provokojnë në këtë farë feje sa nuk di çfarë ti bësh. Ti hipësh sipër edhe prapë nuk të lënë. Këta duan vetëm një parlament. Të qeverisë PS, se janë mësuar 45 vjet. Mos u ngopshin, farë qeni”, tha Dashnor Sula, drejtuar mediave.
Ndërsa shton: “Kjo është çmenduri”.
Ata kanë kërkuar që të lejohen të hyjnë në sallën e Kuvendit deputetët që nuk janë përjashtuar.
“Na jep urdhrin e shkruar sepse unë nuk jam e përjashtuar”, i drejtohet Vokshi.
“Ore nuk jemi të përjashtuar, hape derën”, thotë Korreshi.
Ndërsa ligjvënësit e PS-së janë futur në Parlament nga dera e pasme e Kuvendit.
Garda është vendosur gardh tek dera dhe kontaktet me deputetët e opozitës janë shoqëruar me përplasje fizike.
Discussion about this post