Sekretari i Përgjithshëm i PS-së, Damian Gjiknuri, nuk e ka përjashtuar mundësinë që Fatos Nano të jetë një prej kandidatëve të mundshëm për president.
Në një konferencë me gazetarët, Gjiknuri tha se askush nuk është i përjashtuar nga gara. Të vetmit të përjashtuar nga gara për presidentin janë anëtarët e grupit parlamentar të PS-së, gjë të cilën e ka theksuar më herët dhe kryeministri Edi Rama.
“Unë këtu nuk jam që të komentoj emra të përveçëm, ne kemi thënë publikisht që ne nuk duam që të jetë nga grupi ynë parlamentar, por mund të jenë akademikë apo ish-politikanë. Identifikimi i emrave në këtë fazë do të ishte gabim. Askush nuk përjashtohet, qoftë edhe emri që përmendët më parë”, ka thënë Gjinkuri.
Më herët Gjiknuri e konsideroi të papranueshme kërkesën e opozitës, për të bërë pjesë të procesit të zgjedhjes së presidentit edhe faktorin ndërkombëtar në Shqipëri.
Discussion about this post