Një ditë pas tërmetit mediatik të plusvalencave ë Romës, Lacios dhe Salernitanas, dalin detajet e para të hetimeve. Një aspekt në veçanti: puna e prokurorisë së Tivolit për “biancocelestët dhe “granatat” është në një fazë të avancuar në krahasim me atë të prokurorisë së Romës për “giallorossët”.
“RRUGË TË NDRYSHME”
Ndjenja është se i pari është një hetim krejtësisht i pavarur, i cili ka nisur para mbylljes së hetimit për “çështjen Prisma” nga prokuroria e Torinos, ndërsa ai i Romës do të duket në një farë mënyre “rrjedhojë” e atij që lidhet me fitimet kapitale të Juventusit aq sa për të përmbajtur operacionin Spinazzola-Pellegrini i analizuar gjerësisht edhe nga prokurorët piemontezë.
Një sinjal në këtë kuptim vjen edhe nga krimet e supozuara: lëshimi i faturave për operacione inekzistente, deklarime mashtruese me përdorimin e faturave për operacione dhe komunikime të rreme korporative për Lacion; komunikime të rreme të korporatave dhe deklarata mashtruese përmes faturimeve të rreme për Romën.
“DREJTËSIA SPORTIVE”
Dallimi kohor është ai i cili bën që të dy situatat të kenë rrugë të ndryshme edhe nga pikëpamja e drejtësisë sportive.
Prokuroria e Tivolit duket se është afër mbylljes së hetimeve dhe dokumentet për Lacion dhe Salernitanan do t’i dërgohen prokurorit të FIGC Giuseppe Chiné brenda një kohe të shkurtër.
Nga ana tjetër, do të nevojitet më shumë durim që të hapet një dosje sportive për klubin e Romës.
Discussion about this post