Është një skandal që nuk ka mbaruar së njollosuri FC Barcelonën. Prej disa javësh me zbulime të ndryshme nga El Mundo, është zbuluar bashkëpunimi mes klubit katalanas dhe José Maria Enriquez Negreira, zv. president i komisionit teknik të arbitrave, nga viti 2001 deri në vitin 2018.
Një skandal që tani e shtyn drejtësinë të veprojë, pasi Barcelona e gjen vetën të akuzuar zyrtarisht për korrupsion. Por zbulimet pasojnë njëra-tjetrën dhe më të fundit, përmes ‘Football Leaks’, të cilat publikojnë detajet e pagesave për Negreira vit pas viti, tregojnë se Bartomeu nuk është presidenti i vetëm i përfshirë në këtë histori.
Negreira me të vërtetë do të kishte marrë pagesa për shumë vite qoftë me Gaspart, Rosell, Bartomeu, ku nuk përjashtohet edhe Joan Laporta! Për pesë sezone, dhe për një shumë që i afrohet një milion e gjysmë euro, Barcelona nën presidencën e Laporta, e ka paguar Negreira. Kaq mjaft për ta vendosur presidentin aktual të klubit katalanas në një pozitë shumë të pakëndshme…
Discussion about this post