Ish-kryeministri Sali Berisha nuk ka pranuar ndërprerjen e seancës plenare nga drejtuesja socialiste Ermonela Felaj duke pushtuar fillimisht foltoren e Kuvendit bashkë me deputetët që e mbështesin.
Pas debatesh dhe ndërprerjes së seancës, Berisha ka nisur fjalimin e tij pikërisht nga foltorja, por tashmë jo me mikrofonin dhe kamerat e Kuvendit, por LIVE nga Facebook-u i tij.
“Ky njeri ka një urrejtje të sëmurë ndaj opozitës dhe fjalës së saj në Parlament, me gjuhën e një ordineri fyen popullin opozitar. Sot Taulant Sharra me kryebanditin me të cilin ka tendera dhe afera e qindra telefonata flet në emër të vasalit të Vuçiçit e Putinit me përralla babushkash. Fikeni sa të duash mikrofonin ja që ekziston mrekullia e Facebook-ut, unë ftoj të mos kini frikë nga parlamenti, ja iku zonja Xhaçka, ministrja me investime strategjike”, tha Berisha.
Discussion about this post