Një tjetër yll portugez është shumë pranë firmës me klubin kampion të Spanjës. Bëhet fjalë për Joao Felix (24 vjeç), i cili së fundmi ka shprehur synimin e tij për t’u transferuar te Barcelona, pasi nuk u preferua nga Diego Simeone te Atletico Madrid.
Katalanasit raportohet se kanë vendosur të kryejnë transferimin e Joao Felix dhe do ta bëjnë në ditën e fundit të merkatos.
Tani, radio katalanase “RAC1” shkruan se portugezi është i sigurt për transferimin dhe beson, se nesër do të jetë lojtar i Barcelonës, kur është dita e fundit e merkatos!
🚨 João Felix believes that he will be a Barcelona player by tomorrow. 🔜
(Source: @rac1) pic.twitter.com/JVRhh7Ijkm
— Transfer News Live (@DeadlineDayLive) August 30, 2023
“FC Barcelona ka qenë gjithmonë zgjedhja ime e parë dhe do të isha i lumtur të arrij te Barça. Kjo ka qenë gjithmonë ëndrra ime që kur isha fëmijë. Nëse kjo ndodh, do të jetë një ëndërr e realizuar,”- tha Felix.
Në vitin 2019, Atletico e bleu Felix nga Benfica për një shumë të madhe: 127 milionë euro, një rekord për të dy klubet. Vetëm se sulmuesi nuk i përmbushi pritshmëritë duke mos u parë si pjesë e rëndësishme e projektit futbollistik të Diego Simeone.
Te Benfica, Joao Felix shënoi 20 gola dhe asistoi 11 herë në 43 ndeshje dhe në Atletico Madrid, portugezi mori pjesë në 131 ndeshje, ku shënoi 34 gola dhe dha 18 asistime.
Discussion about this post