Te skuderia e Ferrarit tashmë të gjithë kanë vendosur objektivin maksimal për vitin 2023 në Formula 1. Prezantimi i makinës së re ishte një festë e madhe për gjigandin e Maranellos, me të gjithë krerët e kompanisë të pranishëm në këtë event.
Modeli SF-23, do të debutojë në çmimin e madh të Bahrein më datë 5 mars. Pilotët Charles Leclerc dhe Carlos Sainz junior shpresojnë në nisjen perfekte.
Titulli nuk ka ardhur në Itali që nga viti 2007, për pilotë, kur ishte finlandezi Kimik Raikonen që triumfoi. Ndërsa për sa i përket kategorisë së konstruktorëve, “Il Cavallo Rampante” nuk e ka fituar trofeun që nga viti 2008.
Duke folur për mediat, piloti nga Monaco, Charles Leeclerc, deklaroi se këtë vit nuk ka dyshime që 2023-shi është viti i duhur për të fituar kampionatin. Ai nuk harroi të shtonte se konkurrenca me Sainz e ndihmon të përmirësohet jashtë mase.
Discussion about this post