Sotir Çabiri, djali i një prej bashkëpronarëve të hotelit ‘Bizanti’, të cilin ai e rrafshoi vetë një ditë më parë me 30 kilogramë dinamit nuk e ka pranuar autorësinë e sulmit.
I pyetur për ‘vizitën’ që ka bërë në hotel në orën 05:50, vetëm dy minuta para se të ndodhte shpërthimi, Çabiri ka thënë se ka shkuar të merrte një valixhe me rroba, pasi do të nisej për udhëtim.
I pyetur lidhur me vendimin e gjykatës, e cila ia la 90% të hotelit shtetasit grek Dhimitraq Evangjeliu, Çabiri tha se nuk e njeh dhe pretendon se toka është e tij.
“Shkova të merrja një valixhe me rroba pasi do të nisesha për udhëtim. Gjykata ia dha, por toka është e imja,”- ka thënë Çabiri.
36-vjeçari është arrestuar sot, një ditë pasi u shoqërua në polici, ndërkohë që në kërkim është shpallur dhe babai i tij. Ai dyshohet se instaloi 30 kg dinamit një ditë më parë dhe rrafshoi hotelin më të vjetër në Sarandë. Të lënduar nuk pati, por dëmet ishin të mëdha në dhjetëra biznese e banesa.
Si qëndron çështja me hotelin ‘Bizanti’?
Spiro Çabiri dhe shtetasi grek Dhimitër Evangjeliu e kishin nisur këtë betejë që prej vitit 2002. Sipas vendimit të gjykatës 90% të hotelit i ishte dhënë Dhimitër Evangjeliut dhe nga 5% dy ortakëve të tjerë, Spiro Çabiri e Vangjel Shtuka (ka ndërruar jetë).
Ky vendim nuk konsiderohej i drejtë nga familja Çabiri dhe për të marrë hak 36-vjeçari dyshohet se organizoi shpërthimin. Por, ai u pikas nga kamerat e sigurisë dhe u vu në pranga.
Discussion about this post