Festa e Vitit të Ri solli uljen e depozitave në bankat e nivelit të dytë. Kjo është tkurrja e parë që prej periudhës së pandemisë kur ky fenomen ka njohur vetëm rritje. Sipas të dhënave të Bankës së Shqipërisë në nëntor depozitat kanë rënë me 0.7% ose rreth 70 mln euro më pak nëse e krahasojmë me muajin tetor të vitit 2021.
Në total niveli i depozitave ka pësuar një rënie nga 1.19 trilionë lekë që ishin në tetor, në 1.18 trilionë gjatë muajit nëntor. Tkurrja e parave në banka ka qenë si në monedhën vendase ashtu edhe në valuta
Sipas ekspertëve kjo tendencë mund të ketë ardhur si rezultat i nevojës më të lartë për likuiditet si nga bizneset ashtu edhe nga individët. Ndërkohë që konstatohet se peshën kryesore në këto tregues e ka tërheqja e parave nga bizneset fakt që tregon se subjektet kanë nisur të shtojnë investimet pas përmirësimit të situatës eknomike dhe nivelit të konsumit në ekonomi.
Depozitat njohën një rritje të ndjeshme që prej fillimit të vitit 2020 për shkak të pasigurisë nga pandemia një fenomen ky si për bizneset dhe individët të cilët shtynë për një kohë të dytë investimet apo blerjet e planifikuara.
Niveli total i depozitave
Nëntor 2021 1.18 trilionë lekë
Tetor 2021 1,19 trilionë lekë
Discussion about this post