Kryeministrja e Finlandës Sanna Marin është vënë në epiqendër të kritikave, pasi në rrjetet sociale qarkullon një video, ku ajo paraqitet tepër alegro në një festë, teksa në sfond dëgjohen biseda për lëndë narkotike, kokainë.
Sanna Marin ka pranuar se ka bërë festë të shfrenuar por tha se është e zemëruar që pamjet, të cilat shkaktuan kritika nga kundërshtarët politikë, u zbuluan në media.
“Këto video janë private dhe të filmuara në një hapësirë private. Kam kërcyer dhe kam kënduar. Më vjen keq që këto u bënë të njohura për publikun,” u tha Marin gazetarëve në Kuopio, Finlandë, shkruan CNN.
Pamjet tregojnë Marin dhe pesë persona të tjerë duke pozuar drejt një aparati fotografik dhe duke kërcyer. Një tjetër video tregon kryeministren Marin në dysheme, duke kënduar drejt kamerës.
Pas publikimit të pamjeve të festës, deputetë të opozitës i kanë kërkuar kryeministres të bëjë testin e drogës.
Discussion about this post