Një festë ilegale ku të rinjtë nga Evropa që prej të të premtes së kaluar, tërboheshin me drogëra, u ndalua nga policia dje në fshatin Valentano, pranë Romës.
Raportohet se prej 6 ditësh festa e drogës grumbulloi mbi 10 mijë persona në zonën e pyjeve në Valenzanos. Pas ndërhyrjes së vazhdueshme të policisë me automobila dhe makina police, turmat u shpërndanë por sërish rreh 300 persona u zhvendosën në një zonë tjetër për të vijuar harbimin me drogë.
Një nga pjesëmarrësit tregon se destinacioni i radhës është Shqipëria.
“Takimi tjetër është përcaktuar 1 shtatori në Shqipëri. Por detajet në lidhje me eventin do të bëhen publike në grupet e Telegramit”, thotë ai.
Ndërkohë që rrëfen se në festë janë përdorur dhe tregtuar lëndë të shumta narkotike.
“Në makina ishin vendosur edhe tabela me çmimet e substancave. Ketamine: 5 euro. LSD: 10 euro”, deklaron një tjetër i pranishëm.
Kështuqë, për disa ditë pjesëmarrësit kanë konsumuar pica të bëra me miell kërpi. Pjesëmarrësit në “Rave Party” mblidhen individualisht dhe informohen si përmes grupeve në Telegram (ose ËhatsApp).
Festa e organizuar është pa rregulla ku të rinjtë festojnë me muzikë të lartë dhe konsumojnë lëndë narkotike.
Në Itali, policia u detyrua të ndërhyjë pas vdekjes së një 25-vjeçari. Djali, i lindur në Londër, por banues në veri të Italisë, u gjet i vdekur në një liqen pranë Viterbo të hënën pasi mori pjesë në festën ilegale dhe mbajtja e një të mundshme në Shqipëri normalisht duhet parë me shqetësim.
Eventi për të parën herë është organizuar në Francë dhe më pas pati tentativa për t’u mbajtur edhe në Belgjikë dhe Gjermani, por të cilat dështuan për shkak të ndërhyrjes policore.
Nuk dihet nëse policia jonë ka informacion lidhur me organizimin e një feste të tillë në vendin tonë, apo rreth detajeve të festës, por duhet të ndërhyjnë në kohë për të shmangur pasojat.
