Festivali i Këngës, Erma Mici artistja debutuese më e mirë

Në natën e katërt dhe finale të edicionit të 61-të të Festivalit të Këngës, juria e medies dhe ajo profesioniste duke vlerësuar me pikët nga 1 deri në 10 kanë shpallur artistin debutues më të mirë,  këngëtaren Erma Mici, me “Kozmosi i dashurisë”, poezinë e të cilës artistja e re e ka shkruar vetë.

Kënga është  kompozim i saj dhe i Andi Lazaj. Artistja pas vlerësimit e ka shprehur mirënjohjen ndaj familjes për mbështetjen, si dhe bashkëpunëtorit të saj Andi Lazaj.  Ky ishte çmimi i parë që u dha gjatë kësaj finaleje dhe u dorëzua nga përfaqësuesja e Bashkisë Tiranë Anuela Ristani.

Erma, është vajza e stilistit të njohur të modës, Altin Micit.