Në qytetin e Durrësit u mbajt për të 16 vit rresht “Festivali i Muzikës së Dhomës”, i cili vjen për publikun e qytetit bregdetar në ambientet e Muzeut Arkeologjik, por edhe në ambientet e Amfiteatrit të qytetit.
Përveç muzikës cilësore dhe profesionale që vjen për publikun në këtë eveniment, një tjetër synim është edhe promovimi i ambienteve të trashëgimisë kulturore shqiptare.
Në këtë festival interpretojnë artistë dhe muzikantë nga shumë vende të Europës si Franca, Italia, Gjermania, Austria dhe sigurisht edhe instrumentistë virtuoz shqiptar. Këta artistë interpretojnë pjesë dhe vepra nga autorë dhe kompozitorët më të njohur në botë të këtij zhanri.
Ky eveniment këtë vit do të vazhdoj me interpretime të mrekullueshme të sjella gjithashtu nga artistë shumë të mirë. Do të jetë një aktivitet për gjatë gjithë muajt korrik si një alternativë e mirë për tu ndjekur edhe nga pushues apo turistë, të cilët këtë muaj janë duke kaluar pushimet e tyre verore në Durrës.
Sigurisht që ky festival është njëri nga shumë koncerte dhe evente të cilat janë menduar që të organizohen këtë sezon veror në qytetin e Durrësit, pasi janë menduar edhe shumë organizime të tjera kulturore dhe artistike.
“Chamber Fest Durrës” është një traditë tashmë e qytetit të Durrësit ku zhvillohet çdo vit në këtë qytet dhe organizohet me mbështetjen e Ministrisë së Kulturës dhe Drejtorisë Rajonale të Kulturës Kombëtare Durrës. Çdo vit kanë marrë pjesë artistë dhe instrumentistë shumë të mirë të skenave dhe teatrove prestigjioze ndërkombëtare.
