Gazetari Blendi Fevziu u shpreh mbrëmjen e sotme se rruga e vetme që i ka mbetur opozitës reale për tu faktorizuar është radikalizimi i lëvizjeve.
Fevziu tha se kemi një opozitë me shumë probleme dhe një supermazhorancë.
Gazetari, në një intervistë për Klan Neës, tha se opozitës i duhet të bindë qytetarët që është reale.
“Mendoj se kjo opozitë sapo ka nisur rrugëtimin për të bindur qytetarët, nëse do ia arrijë ose jo këtë nuk mund ta themi sot.
Pjesa e PD-së, ajo që drejtohet nga Lulzim Basha, është në autobus, ata po shfrytëzojnë ato 100 mijë votat apo 10 deputetë sa janë dhe po punojnë për vete. Nuk përfshihem te ata që them janë të shitur apo të blerë, por janë në autobus”, tha Fevziu.
Sipas tij, opozita duhet të bindë qytetarët që ta mbështesin, mund të ndodhë që qytetarët nuk binden dhe ata dështojnë. “Ësëhtë shpejt të themi nëse janë ose jo një alternativë qeverisëse në sytë e qytetarëve, pasi duhet ti bindin që janë seriozë”, tha ai.
Ai e konsideroi si shumë serioz shkrimin e sotëm në BBC për Lulzim Bashën, ndërsa shtoi se ishte ndjerë keq, pasi shkrime të tilla nuk njollosin vetëm një person, por të gjithë shoqërinë.
Discussion about this post