Blendi Fevziu thotë se Ilir Meta gaboi në vitin 2013, që hyri në koalicion me Partinë Socialiste.
I ftuar në emisionin “Të Paekspozuarit” në MCN TV, Fevziu komentoi edhe përpjekjet e mazhorancës për ta eleminuar politikisht Metën, duke përdorur argumentin se ai ka dosje.
Pjesë nga biseda:
Ylli Rakipi: Pas lënies së Presidencës, Metës i nxjerrin një dosje. Duket se ka një përpjekje me skenar për të bërë diçka ndaj tij. Përse mendon se po ndodh?
Blendi Fevziu: Është edhe përgjegjësi e Metës. Kur mbështet një forcë politike, nuk mund të ikësh sa këtej dhe andej. Koalicioni me Ramën që bëri në 2013, ishte i pajustifikueshëm. Nuk mund ta kthejë njeriu sipas interesit.
Mënyra si u punua dhe reagua ndaj Metës, për ta nxjerrë jashtë me dosje… Meta nuk akuzohet si bashkëpunëtor, por se i ka dalë emri në një dosje tjetër.
Kjo tentativë, është betejë puro politike. Publiku e gjykon për gjestin që ka bërë, përse do e djegësh?
Historia e dosjeve është më banalja në Shqipëri. Duhet të ishin hapur ato dosje dhe t’i gjykonte publiku.
Discussion about this post