Një histori dashurie duket sikur po lind mes Fifit dhe Granit Canës brenda shtëpisë së “Big Brother Vip”, mirëpo asnjëri prej tyre nuk po merr hapin e parë për të shkëmbyer puthje.
Kjo është dhe tema që kanë diskutuar këngëtarja dhe aktori humorit Donald Veshaj, i cili duket se po bën “ndërmjetësin” midis tyre që të shkojnë drejt lidhjes.
Gjatë bisedës, aktori i tregoi Fifit se i kishte sugjeruar Granit Canës, “që ta ndërmarrë ai hapin e parë për ta puthur, pasi këngëtarja ka frikën se ai është djalë që bredh lule më lule”, gjë e cila u konfirmua dhe ajo.
Fifi u shpreh se nëse modeli do e puthte, atëherë edhe ajo do ia kthente, duke shtuar se “ishte mashkulli i fundit që mendonte se do pëlqente”.
Artistja tregoi se e ka njohur si imazh Granit Canën edhe jashtë “Big Brother”, por nuk i kishte pëlqyer derisa nisën shkëndijat mes tyre brenda shtëpisë së famshme.
Ndërsa rrëfeu se ka vendosur edhe një bast me moderatoren e emisionit, Arbana Osmani.
