Fifi pajtohet me Ilirin, puth këngëtaren në…

Spektakli i djeshëm i “Big Brother VIP” duket se ka zbutur shumë gjakra dhe ka rregulluar marrëdhëniet mes disa banorëve.

Kështu ka ndodhur me Fifin dhe Ilirin. Ishte ky i fundit i cili e bëri hapin e parë duke e puthur këngëtaren në ballë, për të treguar dashamirësinë që ka ndaj saj edhe se sa shumë e vlerëson atë.

Fifi nga ana tjetër shprehet se ka qenë shumë e tensionuar dhe se ka vepruar në gjaknxehtësi e sipër.

“Kam qenë në tension e sipër ndaj të kërkoj ndjesë. Kur jam e acaruar flas më shumë seç duhet”-tha ajo.

“Njësoj jam dhe unë, jam shumë instiktiv”-I tha Iliri.

Gjithashtu dhe banorët e tjerë janë shprehur se ishin të bindur se ishte thjesht një acarim momental dhe se gjërat mes tyre do të sheshoheshin.

Iliri dhe Fifi janë dy nga banorët që kanë qenë pjesë e shumë diskutimeve në shtëpinë më të famshme në Shqipëri. Së fundmi, Iliri ka rregulluar marrëdhëniet edhe me Donaldin, pasi midis tyre u krijua një energji toksike dhe çdo gjë që mund të thuhej, perceptohej keq nga secili prej dy konkurrentëve.