Edhe pse “Big Brother VIP” ka mbaruar prej ditësh tashmë, duket se shumë prej ish-banorëve kanë ruajtur marrëdhëniet e mira që kanë pasur me njëri-tjetrin brenda shtëpisë.
Një ndër dyshet më të afërta janë Fifi dhe Donaldi, të cilët i kanë dedikuar njëri-tjetrit edhe një tatuazh. Së fundmi, ka qenë këngëtarja që ka shpërndarë një imazh përkrah aktorit, përmes të cilit ka shfaqur dashurinë që ka për të.
“Ne jemi kryefjala Donald. Na falni për modestinë ëëë”, shkroi Fifi duke iu paraprirë komenteve që do “e akuzonin” për mendjemadhësi. Krah shumë komenteve që bien dakord dhe të tjerë që kundërshtojnë, bie në sy Donaldi, i cili ka komentuar “O shpirti im. Te dua”.
Vlen të theksohet se Fifi dhe Donaldi janë dy nga banorët më të komentuar të këtij edicioni të “Big Brother VIP”. Fifi është përfolur shumë për raportin që krijoi me Granitin dhe me debatet e forta me banorë si Semi, Arditi, Iliri etj.
Sakaq, Donaldi prej javësh ka qenë kryefjalë e mediave sociale ku është komentuar shumë trekëndëshi i dashurisë mes tij, Borës dhe Beatrix, dhe sigurisht shumë ndodhive të tjera në “Big Brother VIP”. Pas daljes ai u përfol se është përplasur me produksionin, gjë që u hodh poshtë nga të dyja palët si dhe për ndarjen nga Beatrix.
View this post on Instagram
Discussion about this post