Mbrëmjen e kaluar është mbajtur një koncert në Tiranë për Krishtlindje. Në mesin e artistëve që kanë performuar në “Sheshin Skënderbej” ishte edhe Fifi. Përmes një postimi në Instagram, ajo e ka quajtur këtë performancë dhe publikun që ishin nga afër për ta përcjellë, si fitorja më e madhe.
Gjatë performancës së saj, Fifi u përlot në skenë dhe tregoi përjetimet e saj për kohën kur shkroi këngën “Diell” brenda shtëpisë së “Big Brother VIP”.
“Është një këngë që e kam shkruar kur unë jam ndjerë njeriu më i copëtuar në jetë. Një këngë që kam shkruar kur kam qenë shumë i thyer. Edhe shumë e lënduar. Edhe kam menduar që më kanë braktisur të gjithë. Kam menduar se kur të dalë nga kjo shtëpi nuk ka për të më pritur askush. Nuk e di pse e kam menduar”, tha Fifi, ndërsa i falënderoi të gjithë ata që e kanë mbështetur gjatë atyre 50 ditëve brenda në ‘BBV’.
Discussion about this post