Që pas daljes nga shtëpia e “Big Brother VIP” Filloreta Raçi, e njohur me emrin artistik Fifi, ka qenë kryefjalë e mediave për shkak të lidhjes së saj me Adis Patushin.
Këngëtarja e dashur për publikun, që në momentin që zbuloi se ishte e dashuruar, nuk ngurron që në rrjetet sociale të postojë foto dhe video me partnerin e saj.
Së fundmi, ajo ka ndarë me ndjekësit një fotografi ku shfaqet së bashku me Adis Patushin. Teksa janë krah njëri-tjetrit, Fifi ka bërë edhe një dedikim, ku zbulon edhe detaje nga lidhja e tyre.
Krahas postimit të bërë nga këngëtarja në rrjetin e saj social Instagram, ajo shkruan se mes tyre nuk ka vetëm fjalë të bukura, por ka edhe debate e zënka me tyre.
“Ne zihemi me njëri-tjetrin, ne zemërohemi me njëri-tjetrin, ne thyejmë rregullat, por ne e duam njëri-tjetrin ? t’du.”
Postimi ka marrë menjëherë mijëra pëlqime dhe komente të shumta, ku në sy bie pikërisht ai i partnerit të Fifit, i cili tregon gjithashtu dashurinë e tij.
Kujtojmë se, prej disa muajsh Fifi dhe e Adisi po jetojnë romancën e tyre në sytë e publikut. Çifti i formuar pak kohë më parë, nuk e kanë pasur aspak problem që ta publikojnë historinë e tyre, duke mos i kursyer puthjet, përqafimet dhe dedikimet plot dashuri për njëri-tjetrin në rrjetet sociale. Pas daljes nga “Big Brother VIP”, këngëtarja nga Kosova u njoh me Adisin nëpërmjet Kledit, ish-banorit tjetër.
Discussion about this post