Dega e Shoqatës Botërore të Futbollistëve Profesionistë me qendër në Qipro, (FIFPRO) i ka dërguar një letër UEFA-s ku ka shprehur shqetësimin e saj në lidhje me orarin e ndeshjes mes AEL Limasolit dhe Vllaznisë. Ora 16:30, me orën shqiptare nuk i është dukur e përshtatshme sipas FIFPRO-së.
Teksa ka folur për “Supersport Fm 104.0”, Presidenti Ekzekutiv i PASP, Spiros Neofitidis ka kërkuar që kjondeshje të shtyhet për në orën 18:00 (me orën shqiptare).
Mesa duket temperaturat e larta e bëjnë shumë të vështirë përshtatjen e futbollistëve të dy ekipeve.
“Do të bëhet një përpjekje për të spostuar orën në 18:00, kur dhe dielli të ketë rënë sadopak. Nuk e kuptoj caktimin e këtij orari. I vetmi justifikim i përmendur nga AEL është stadiumi. Ne u informuam nga komiteti specifik, teksa gjithashtu do të informojmë federatat”,- tha ndër të tjera Neofitidis./Sportzona.al
