Sindikata botërore e futbollistëve (FIFPRO) ka reaguar për sjelljen e pahijshme të presidentit të Federatës Mbretërore Spanjolle të Futbollit, Luis Rubiales, gjatë ceremonisë së dhënies së medaljeve të arta, për kombëtaren spanjolle të femrave, pas finales së Kupës së Botës përballë Anglisë, të fituar 1-0.
FIFPRO ka deklaruar plotësisht deklaratën e sinidkatës spanjolle të futbollistëve, ku kërkohet që të veprohet menjëherë, për të dënuar sjelljen e numrit një të RFEF.
“FIFPRO mbështet plotësisht deklaratën e sindikatës së lojtarëve spanjollë AFE në thirrjen për veprime të menjëhershme për të adresuar sjelljen e presidentit të federatës spanjolle Luis Rubiales dhe po bën thirrje për hetimin e veprimeve të tij sipas kodit të etikës të FIFA-s.
Ritheksojmë se ishte thellësisht për të ardhur keq që një moment kaq i veçantë për lojtarët e kombëtares spanjolle që po ndodh para një audiencë televizive globale duhet të njolloset nga sjellja e papërshtatshme e një individi në një rol që mban kaq shumë përgjegjësi.
Qasjet fizike të pa iniciuara dhe të paftuara ndaj lojtarëve nuk janë të përshtatshme ose të pranueshme në asnjë kontekst, dhe veçanërisht kur ata vihen në një pozicion të pambrojtur nga një person që mban një pozicion pushteti mbi ta në vendin e tyre të punës.”
Discussion about this post