Teksa merkatoja e janarit po afron, edhe nga Dinamo kanë filluar largimet e para. Mesfushori Marin Abazaj ka njoftuar se nuk është më pjesë e klubit kryeqytetas, ndërsa ka falënderuar drejtuesit dhe shokët e skuadrës.
“Dua t’iu informoj që nga sot nuk jam më pjesë e ekipit të Dinamos. Falenderoj të gjithë shokët e ekipit, presidentin Ardian Bardhi, drejtuesit dhe tifozerinë e Dinamos për gjithçka”, shkruan Abazaj në një postim në rrjetet sociale.
Gjatë pjesës së parë të sezonit, mesfushori nuk ka luajtur shumë minuta, duke luajtur vetëm 3 ndeshje, 1 prej të cilave titullar.
Discussion about this post