Filmi “Zgjoi” është dhënë premierë edhe në Shtetet e Bashkuara të Amerikës
Aktorja e njohur shqiptare, Yllka Gashi, e cila është protagoniste kryesore në film, ka publikuar në llogarinë e saj zyrtare në Instagram disa fotografi, nga premiera e dhënë në New York.
Në mbishkrimin e fotografive, ajo ka falënderuar të gjithë pjesëmarrësit, ndërsa ka bërë të ditur se pjesë e audiencës ishte edhe miku i madh i shqiptarëve, kongresmeni amerikan Eliot Engel.
“Mbrëmë ‘Zgjoi’ filloi rrugëtimin e tij në New York! Faleminderit shumë të gjithë atyre që na nderuan me ardhjen e tyre. Në mesin e të pranishmëve ishte edhe kongresmeni Eliot Engel, mik i madh i shqiptarëve i cili na nderoi e komplimentoi për punën tonë!”, shkroi aktorja Gashi në Instagram.
“Zgjoi” përndryshe deri më tani ka fituar mbi 14 çmime ndërkombëtare dhe vendore dhe është një prej filmave shqiptarë më premtues të viteve të fundit.
Ky film i regjisores Blerta Basholli është edhe propozimi i Kosovës për në nominimet e “Oscars 2022” – event i cili do të mbahet në mars të vitit të ardhshëm.
Discussion about this post