Kryeministri i Mbretërisë së Bashkuar, Sir Keir Starmer, i ka nisur një letër zyrtare transmetuesit “TNT Sports”, duke kërkuar që finalja e madhe e Ligës së Kampionëve ndërmjet Arsenalit dhe Paris Saint-Germain të transmetohet falas për të gjithë tifozët britanikë.
“TNT Sports” (nën pronësinë e Warner Bros Discovery) vendosi që ky edicion të jetë i pari që nga ribrandimi i vitit 1992 që nuk do të shfaqet falas, duke kërkuar një abonim me pagesë në platformat e veta ose në HBO Max. Në letrën e tij, Starmer u shpreh “i trishtuar” nga ky vendim, duke theksuar se njerëzit që punojnë fort nuk duhet të ngarkohen me tarifa shtesë për të ndjekur një ndeshje të këtyre përmasave dhe bëri thirrje që “tifozët të vendosen në plan të parë”.
Nga ana tjetër, “TNT Sports” u mbrojt duke thënë se abonimi prej 4.99 stërlina në muaj përfshin edhe dy finalet e tjera të UEFA-s, gjë që sipas tyre përbën një “vlerë të jashtëzakonshme”. Ky hap i kryeministrit Starmer, i njohur si një tifoz i zjarrtë i Arsenalit, vjen gjithashtu në një moment delikat politik, pas rezultateve të dobëta të partisë së tij Laburiste në zgjedhjet lokale të muajit maj. Finalja historike Arsenal – PSG do të luhet të shtunën, më 30 maj 2026, në stadiumin “Puskás Arena” të Budapestit.
gijotina.com/
Discussion about this post