Të shtunën në orën 16:00 sytë e të gjithë Anglisë dhe tifozëve do të jenë në stadiumin mitik “Wembley”. Manchester City dhe Manchester United do të përballen në finalen e madhe të FA Cup. Në prag të kësaj finaleje, trajneri i “Sky Blues”, Pep Guardiola ka dalë në konferencë për shtyp.
“Është një finale shumë e veçantë. Manchester United është një ekip i ndryshëm nga të tjerët. Përveç kësaj, ata janë rritur vazhdimisht që nga fillimi i vitit. Grealish dhe De Bruyne? Ata janë stërvitur mirë, lojtarët e tjerë janë të gjithë pak a shumë mirë.”
Trajneri katalanas foli më pas për marrëdhënien e tij me Erik ten Hag, bashkëpunëtorin e tij në kohën e Bayern: “Ai është një djalë që përfaqëson më së miri profesionin e trajnerit. Nuk mund të them se jemi miq, nuk flasim shpesh. Por ai është një trajner i madh për United”.
Finalja vendoset për penalltitë? “Nuk ka rëndësi të bësh stërvitje specifike afër finales. Varet nga lojtarët dhe sa janë stërvitur gjatë sezonit. Sigurisht që do të duhet të jemi të kujdesshëm sepse finalet vendosen shpesh në kohën shtesë apo edhe në penallti”.
Discussion about this post