Presidenti ukrainas Volodymyr Zelensky është shpallur “Njeriu i Vitit” për gazetën britanike Financial Times, e cila i ka kushtuar presidentit ukrainas një artikull të gjatë.
“Nëntë muaj pas luftës brutale për mbijetesë kundër pushtuesve rusë, Volodymyr Zelensky shfaqet i lodhur, me rrathë të errët poshtë syve”, shkruhet në hyrje të artikullit, i cili tregon personazhin duke u nisur nga përvoja e tij si aktor në luftën kundër lideri trus Vladimir Putin.
“44-vjeçari Volodymyr Zelenskyy ka fituar një vend në histori për shfaqjen e tij të jashtëzakonshme të lidershipit dhe qëndrueshmërisë. Presidenti ukrainas ka ardhur për të mishëruar guximin dhe qëndrueshmërinë e popullit ukrainas në luftën e tyre kundër agresionit rus. Vendimi i Zelenskyy për të qëndruar në Kiev në vend të pranimit të ofertës së SHBA-së për evakuim ishte një nga momentet më të rëndësishme në luftë. Që nga fillimi i pushtimit në shkallë të plotë të Rusisë, Ukraina ka befasuar botën duke shmangur sulmin rus në Kiev dhe kundërsulmimet e tij në provinca të tjera”, shkruhet në postimin e Financial Times.
Discussion about this post