Kryetari i PD-së, Sali Berisha i është rikthyer sot akuzave të financimeve ruse që ka marrë ish kreu i partisë Lulzim Basha. Berisha tha se kryeministri Rama do të hetohet për ndërhyrjen e tij në drejtësi për të mbyllur çështjen e financimit rus në PD, në kohën kur kryetar ishte Lulzim Basha.
Ish kryeministri paralajmëroi edhe Lulzim Bashën, duke i thënë se kjo çështje nuk ka për tu mbyllur këtu, ndërsa i kërkoi atij që të dalë dhe të sqaroj gjithçka për këtë financim. Edhe njëherë, Berisha përsëriti se Basha e ka gënjyer, kur i ka thënë se financimi është bërë nga diaspora shqiptare.
“Nëse e dije si ndërhyre në gjykatë për ta nxjerrë të pafajshëm. Nga kush e mori urdhrin ky? Unë nuk e besova, e thashë që nuk janë para ruse. Më vonë kur mora informata se Basha më kishte dhënë një variant të gënjeshtërt, se nuk qëndronte varianti i tij se paratë janë mbledhur nga diaspora, unë para jush kam deklaruar se paratë janë ruse. E kam bërë në datën 14 prill, kur ky ka qenë i bindur që në fillim dhe ka bërë çdo përpjekje për ta shpëtuar nga ndëshkimi që e meritonte. Pse mendoni ju se nuk do hetohet ndërhyrja e tij në drejtësi? 100% ua them unë. Unë mendoja se këta kanë thirrur njerëzit nga diaspora. Pra a janë këto dëshmitë e lidhjeve të Edi Ramës me pistën ruse, të Lul Bashës. Pse do e shpëtonte. Edhe sot i them Bashës, mos kujto se mbyllet ky problem. Do dalësh të deklarosh, tu thuash shqiptarëve. Se tani që ka një raport me të dhëna konkrete mos mendojë se kalohet kjo me mbrojten që i bën Edi Rama. Këtu ka një rregull për të cilën Basha nëse ka një kuintesencë minimale, ai u thotë shqiptarëve, të paktën atyre njerëzve që ka qenë pranë tij, sepse edhe ata i mashtroi ai. Këto xhalo duhet të marrin fund, këto ndodhin vetëm në një vend që sundon krimi”, tha Berisha.
Discussion about this post