Finlanda njoftoi se do të dërgojë tre tanke Leopard 2 në Ukrainë, vendi i fundit perëndimor që premton armë më të rënda në prag të një-vjetorit të luftës.
“Ne do të dërgojmë më shumë materiale mbrojtëse dhe do të marrim pjesë në bashkëpunimin e Leopardit së bashku me partnerët tanë,” tha në një deklaratë ministri i Mbrojtjes Mikko Savola.
Siç raportojnë edhe mediat e huaja, ai gjithashtu theksoi se paketa e ndihmës do të përfshijë gjithashtu trajnime në lidhje me përdorimin dhe mirëmbajtjen e tyre.
Finlanda, e cila ndan një kufi 1300 km me Rusinë, ka pak më pak se 200 tanke Leopard 2. Vlera e paketës më të re të ndihmës mbrojtëse të Finlandës për Ukrainën do të arrijë në 160 milionë euro (169 milionë dollarë), duke përfshirë tre Leopardët dhe trajnimin në lidhje me përdorimin e tyre.
Discussion about this post