Të mësuar tashmë me situatat speciale, brenda dhe jashtë fushës, vetëm disa orë dhe bota e tifozëve dhe drejtuesve të Juventusit mund të mos jetë më e njëjta. Gjithçka varet nga rezultati i takimit ndaj në Nantes në fazën e play-offit të UEFA Europa League.
Kjo ndeshje vlen shumë vetëm për fatet e sezonit. Edhe në rast fitoreje, bardhezinjtë prapë do ketë vlerësime për të bërë në lidhje me të ardhmen. Skenari i eliminimit ndaj modestëve francezë, nuk imagjinohet nga të gjithë por ka dhe nga ata njerëz që mendojnë se nëse ndodhë e keqja, sezoni do të quhej totalisht i dështuar.
Ambiciet për titull janë eklipsuar pothuajse plotësisht. Minus 15 pikët në renditje janë faktor kryesor për këtë, kjo dihet, por edhe gara për në zonën “Champions” është e vështirë, si rrjedhojë e formës së mirë të skuadrave rivale. Eliminimi nga Europa, do të kishte dëme të konsiderueshme financiare për “Zonjën e Vjetër”.
Një nga objektivat primarë, për Juven, tashmë, është fitimi i Kupës së Italisë, gjysmëfinalja përballë Interit (me sistem vajtje-ardhje) është si një finale për rekordmenët e Serisë A, megjithatë, Allegri do synojë të sjellë në Torino, edhe një trofe kontinental. Rruga drejt triumfit në Europa League është shumë e komplikuar duke parë dhe rivalët që pritet të ketë përballë Juventusi.
Discussion about this post