Lufta në Ukrainë dhe agresioni rus kanë shtyrë FInlandën të vendosë rreth aplikimit për anëtarësim në NATO më 12 maj, sipas gazetës finlandeze Iltalehti, duke u bazuar tek burimet e qeverisë.
Ky vendim do të merrej me dy hapa: fillimisht, presidenti finlandez, Sauli Niinisto, do të njoftonte se ka dhënë miratimin, ndërsa grupet parlamentare do ta jepnin miratimin pas tij.
Radio Europa e Lirë nuk ka mundur t’i konfirmojë këto detaje të dhëna nga gazeta Iltalehti. NDërkohë që debati në Finlandë për anëtarësim në NATO ka nisur kur Rusia ka filluar pushtimin e Ukrainës, më 24 shkurt. I njëjti debat i ngjashëm është duke u zhvilluar edhe në Suedi dhe të dyja shtetet nordike janë ushtarakisht neutrale prej disa dekadash.
Finlanda ndan një kufi prej 1,300 kilometrash me Rusinë, ndërsa Suedia nuk ka kufi direkt me shtetin rus. Rusia ka paralajmëruar pasoja për NATO-n nëse lejon anëtarësimin e Finlandës dhe të Suedisë.
Zëdhënësi i Kremlinit, Dmitry Peskov, ka thënë se zgjerimi i NATO-s nuk do të sillte më shumë stabilitet në Europë, ndërsa Dmitry Medvedev, anëtar i Këshillit të Sigurisë në Rusi, ka thënë se nëse Finlanda dhe Suedia i bashkohen NATO-s, Moska do të detyrohet të forcojë mbrojtjen e saj në Baltik, duke vendosur edhe armë bërthamore./ REL
Discussion about this post