Fiorentina nuk ka hequr akoma dorë nga Nedim Bajrami. Trajneri Vincenzo Italiano kërkon mesfushorin ofensiv të kombëtares kuqezi dhe drejtuesit e klubit nga Firence e kanë një plan për të mbërritur te 23-vjeçari nga Tetova.
Empoli kërkon të ketë sërish në ekip Szymon Zurkowskin. Mesfushori polak, i cili ka edhe dy vite kontratë me Fiorentinën, e kaloi sezonin e fundit i huazuar tek Empoli, aty ku luajti me Bajramin.
Dy klubet toskane janë fokusuar te shkëmbimi i dy lojtarëve. Akordi zyrtar është ende larg, por bisedimet vazhdojnë dhe e ardhmja e Bajramit, i cili bëri shumë mirë në sezonin e parë në Serie A, pritet të jetë Fiorentina.
Discussion about this post