Pas pak minutash në “Stadio Artemio Franchi” të Firences, “violët” e Fiorentina-s do të presin polakët e Lech Poznan, në ndeshjen e kthimit të çerek-finale së UEFA Europa Conference League, në një ndeshje që nuk pritet asgjë më pak se kalimi i vendasve në gjysmë-finalet e kompeticionit.
Përsa i përket formacionit tekniku Vincenzo Italiano ka vendosur t’i rreshtojë të tijët me formacionin 4-3-3, ku në portë si zakonisht është italiani Terraçiano.
Në krahët e mbrojtjes janë vendosur Biraghi e Venuti, me Milenkovic e Igor që “mbulojnë” qendrën. “Dirigjimi” i lojës në mesfushë i është besuar treshes Barak-Mandragora-Bonaventura, ndërsa “tridenti” i sulmit plotësohet nga Sottil, Luka Jovic e Nico Gonzalez.
Në krahun tjetër tekniku, John van den Brom ka përzgjedhur për të tijët, formacionin 3-4-1-2, ku në portë është vendosur Bednarek e para tij Dagerstal, Karlstrom e Milic.
Në krahët e mesfushës janë Skoras e Rebocho me Czerwinski e Murawski që pozicionohen në qendër. Më i avancuar është Sousa, ndërsa dyshja e sulmit plotësohet nga Sobiech e Velde.
Discussion about this post