Mjaftoi një foto e publikuar në rrjete sociale, që të gjithë të dyshonin se Fiori Dardha ishte në pritje të fëmijës së dytë. Moderatorja ndau në Instagram një foto me djalin e saj, Abelin, në të cilën ajo dukej më e shëndetshme dhe dallohej një “hije” barku të rrumbullakosur. Ndjekësve të Fiorit kaq ju desh dhe të gjithë nisën nga komentet për shtatzëninë e saj të dytë.
Por Fiori nuk ka lejuar që këto komente të vazhdojnë më tej dhe ka treguar se si qëndron e vërteta. Ajo ka publikuar në Instagram një foto dhe ka ftuar ndjekësit ta pyesin për çdo gjë, por vetëm për shtatzëninë jo, sepse ajo nuk është në pritje të ëmbël.
