Juarda Allko, 15 vjeç, nga Cërriku, është vajza e cila ka fituar çmimin e parë në stilim veshjesh dhe modeling, në “Golden Star Kids”. E ftuar në emisionin e pasdites “Jeto me Orën” ajo ka treguar emocionet që ka ndjerë në konkursin ku përfaqësoi Shqipërinë.
“E kam pasur pasion modelingun gjithmonë, familja ka qenë mbështetja ime më e madhe, edhe kur më kanë paragjykuar për këtë fushë që unë dua, prindërit më kanë mbështetur, ja dola të fitoja në Turqi“- u shpreh e emocionuar modelja 15-vjeçare, e cila zbuloi se së shpejti do përfaqësojë Shqipërinë në një tjetër event që zhvillohet në Nigeri.
Ndërsa lidhur me stilimin e veshjeve, ajo tha se ky është një tjetër pasion që gjithashtu e ka bërë të jetë edhe më aktive në fushën e modës. Por 15-vjeçarja habiti kur u ndal tek profesioni i së ardhmes.
“Në të ardhmen dua të bëhem mjeke, por nga moda nuk do heq dorë“- u shpreh ajo.
Mjaft ambicioze dhe me ide të qarta për të ardhmen Juarda tashmë ka krijuar edhe një blog influencues në lidhje me veshjet të cilat i stilon vetë.
Discussion about this post