Fitore me përmbysje, Tirana e Partizani triumfojnë në Ballsh e Durrës

Ditë miqësoresh për klubet e Superiores. Partizani dhe Tirana kanë triumfuar në duelet e fundit para nisjes së kampionatit.

“Demat” e kuq triumfuan në Durrës kundër Teutës me rezultatin 2-1, me përmbysje. Rubin Hebaj i shtangu në minutën e 15-të me një goditje dënimi perfekte.

Baraspesha u vendos në fillim të pjesës së dytë, kur Elezi realizoi autogol, ndërsa Ccelaj shënoi golin e fitores për Partizanin.

Tirana kampione në fuqi mundi po me përmbysje Bylisin, 3-1. Ballshiotët kaluan në epërsi me Flamur Ruccin (39’).

Bardheblutë u përgjigjën me Xhixhën (42’) dhe Ismajlgeci (45+1’) që në pjesën e parë. Hila shënoi edhe golin e tretë në mesin e pjesës së dytë.