Fitorja e parë në Nations League për Francën, Holanda e frikshme në Poloni

7 ditë më parë

Franca ka marrë fitoren e parë të këtij edicioni në Nations League. Pas 2 barazimeve dhe 2 humbjeve, “Gjelat” mundën 2-0 në shtëpi Austrinë. Sfida u zgjidh nga Kylian Mbappe (56′),  sakaq rrjetën gjeti edhe Giroud (65’).

Asnjë problem për Belgjikën në ndeshjen e luajtur në Bruksel . Përfaqësuesja e drejtuar nga Roberto Martinez mposhti 2-1 Uellsin. Goli i parë erdhi pas 10 minutash lojë me De Bruyne, ndërsa i dyti u realizua nga Batshuayi (38’).Goli i Moore në pjesën e dytë vlejti vetëm për statistikë, pasi shifrat nuk ndryshuan deri në fund.

Holanda mori 3 pikë në Poloni (0-2). Goli i vetëm i fraksionit të parë mban firmën e Gakpo, që “tund rrjetën” në minutën e 14-të.Bergëijn i dha qetësinë e duhur “tulipanëve” (60’).

Në ndeshjet e tjera, barazim spektakolar mes Turqisë dhe Luksemburgut, me takimin në Stamboll që përfundoi 3-3. 1-2 u mbyll sfida mes Sllovakisë e Azerbajxhanit, sakaq Lituania-Faroe Island (1-1).

Të ngjashme